21 лютага з падачы ЮНЕСКА ва ўсім свеце адзначаюць Дзень роднай мовы. З амаль 6 тысяч існуючых моў палова, на жаль, знаходзіцца пад пагрозай знікнення.

Сёння, 21 лютага, з падачы ЮНЕСКА ва ўсім свеце адзначаюць Дзень роднай мовы. З амаль 6 тысяч існуючых моў палова, на жаль, знаходзіцца пад пагрозай знікнення. 

У Беларусі афіцыйна дзяржаўнымі з'яўляюцца беларуская і руская мовы. Прэферэнцыямі не карыстаецца ні адна. Але сёння вельмі многія ў якасці сродку зносін выбіралі менавіта беларускую мову. А на фасадзе Нацыянальнай бібліятэкі адлюстровывалicя цытаты класікаў: Янкі Купалы, Максіма Танка і Ніла Гілевіча.

«Як ты дорага мне, мая родная мова!» – радок з верша Ніла Гілевіча зразумеюць сёння амаль 10 мільёнаў носьбітаў. Столькі у свеце менавіта беларусаў. Бо па-навуковаму няма народа без мовы. Дарэчы, наша – багатая: 260 тысяч слоў налічылі да гэтага Дня.

Заўважым, што роднай нашу гаворку зараз лічаць і амаль 300 тысяч прадстаўнікоў іншых этнасаў, якія жывуць у Беларусі. Прыжалося і свята, устаноўленае рашэннем ЮНЕСКА напрыканцы XXстагоддзя. Так, праз Інтэрнэт з Днём роднай мовы землякоў павіншавалі футбалісты гродзенскага «Нёмана».

У пятніцу беларуская мова (хай, толькі і на гадзіну), але ж атрымала статус дыпламатычнай. Упершыню ў сценах Міністэрства замежных спраў 18 пасланцаў з усяго свету чыталі па куплеце любоўную лірыку песняра Купалы. Дарэчы, слова «пясняр» ёсць толькі ў нашай гаворцы, якую эксперты ЮНЕСКА прызналі ў выніку міжнароднага конкурса прыгажосці другой па мілагучнасці пасля італьянскай.

Дыпламаты яўна хваляваліся. Асабліва, калі траплялі на словы з выключна беларускай літарай «у нескладовае». У фінале акцыі ўзгадалі радкі паэта чыстае красы Максіма Багдановіча: «Я хацеў бы спаткацца з Вамі на вуліцы ў ціхую сінюю ноч і сказаць: “Бачыце...”».

Цытаты з класікаў не загаснуць на фасадзе галоўнай бібліятэкі Беларусі да апоўначы нядзелi – чытайце на роднай мове.


Падрабязнасці – у відэасюжэце нашага карэспандэнтa

Подписывайтесь на нас в Telegram

Корреспонденты:
Александр Матяс